26.08.2019

“PSB Insurance” majburiy sug‘urta xizmatlarini ham taklif etadi

  “PSB Insurance” majburiy sug‘urta xizmatlarini ham taklif etadi

O‘zsanoatqurilishbank qoshida tashkil etilgan “PSB Insurance” sug‘urta kompaniyasi endilikda sug‘urtaning majburiy turlari bo‘yicha ham xizmat ko‘rsatadi.

2019-yilning 16-avgust kuni “PSB Insurance” sug‘urta kompaniyasiga O‘zbekiston Respublikasi Moliya vazirligi tomonidan umumiy sug‘urta sohasining 17 klassi bo‘yicha faoliyat yuritish imkonini beruvchi litsenziya taqdim etildi.

Aholi, tadbirkorlik sub'yektlari, korxona va tashkilotlarga sug‘urtaning ixtiyoriy turlari bo‘yicha xizmat ko‘rsatib kelayotgan kompaniya bundan buyon mijozlariga majburiy sug‘urta xizmatlarini ham taklif etadi.

Transport vositalari egalarining fuqarolik javobgarligini majburiy sug‘urta qilish, ish beruvchining fuqarolik javobgarligini majburiy sug‘urta qilish, tashuvchining fuqarolik javobgarligini majburiy sug‘urta qilish, qurilish-montaj xavflarini majburiy sug‘urta qilish, xavfli ishlab chiqarish ob'yektida avariya yuz bergan taqdirda boshqa shaxslarning hayoti, sog‘lig‘i va (yoki) mol-mulkiga hamda fuqarolik javobgarligini majburiy sug‘urta qilish shular jumlasidandir.

Qayd etish joiz, “PSB Insurance” sug‘urta kompaniyasi o‘z mijozlariga zamonaviy va tezkor xizmat ko‘satish, ular oldidagi barcha majburiyatlarini to‘liq va vaqtida bajarilishini ta’minlaydi.

Bank Axborot xizmati

«UzPSB Mobile»

Bankning jismoniy mijozlariga mo'ljallangan ilova bo'lib, iOS va Andorid operatsion tizimda ishlovchi mobil qurilmalar orqali foydalanish imkonini taqdim etadi.