Statistik ma'lumotlar

2020 yil 1 sentyabr holatiga koʻra “Oʻzsanoatqurilishbank” ATB kapitalining eng katta qismi usiav kapitali (68,8%) va zaxira kapitali (13,5%) ni tashkil etadi, bunda bankning tasdiqlanmagan foydasi umumiy kapitalining 17,7% ni tashkil etadi.

2014 yildan boshlab bank kapitali barqaror ravishda o‘sib keldi va 2019 yil 1 dekabr holatiga 6006,5 mlrd. so'mni tashkil etdi. O'tgan 2017-2019 yillarda aktsiyalarni sotilishi natijasida jami kapital 3,7 trln. so‘mga o‘sdi.

O‘zsanoatqurilishbank ATB kredit qo‘yilmalari tarkibida yillar davomida eng katta qismini uzoq muddatli (bir yildan ortiq) kreditlar tashkil qilishini qayd etish lozim. Qisqa muddatli kreditlar hajmi 2014 yilga nisbatan 3,3 barobar oshdi.

So‘nggi 5 yilda bank kredit qo‘yilmalari barqaror sur’atlarda o‘sib keldi va 01.12.2018 y. holatiga 26,5 trln. so‘mga yetdi. Investitsion kreditlarning bank kredit portfelidagi ulushi har yili 80% atrofida bo‘lib, 2014 yilga nisbatan ular xajmi 4 barobarga o‘sdi va 20,9 trln.so‘mni tashkil qildi.

Ko‘rsatkichlar mlrd. so‘m %
Jami aktivlar, shundan: 42252.7 100%
Kassadagi naqd pullar 479.3 2%
Markaziy bankdagi va boshqa banklardagi mablag‘lar 3290.4 10,2%
Kredit qo‘yilmalari va lizing xizmatlari 36280.2 83%
Investitsiyalar 215 0,1%
Hisoblangan foizli va foizsiz daromadlar 992.1 3,1%
Asosiy vositalar va nomoddiy aktivlar 387,9 0.5%
Sotish maqsadida olingan mol-mulklar 21 0.1%
Boshqa aktivlar 586.8 1.2%

2019 yil 1 dekabr holatiga bank aktivlarining 94% kredit qo‘yilmalari, Markaziy bank va boshqa banklardagi mablag‘lardan iborat va boshqa aktivlar atigi 6% tashkil etadi. Bankning 42.4 trln. so‘mlik aktivlarini 86 foizi kredit qo‘yilmalarini shakllantirishga yo‘naltirilgan.

Resurs bazasini muddatli mablag‘lar hisobiga shakllantirish maqsadida, bank tomonidan muntazam ravishda obligatsiya va depozit sertifikat shaklidagi qimmatli qog‘ozlar muomalaga chiqarilib, joylashtirilmoqda. 2019 yil 1 dekabr holatiga shu yo‘l bilan jalb qilingan mablag‘lar 651,2 mlrd.so‘mni tashkil qildi.

O'tgan yil davomida bank tomonidan jismoniy shaxslarga berilgan kreditlar hajmi 1,8 baravar ortib, 3 trln. so'mga yetdi. 12.01.2019 yil yakunlariga ko'ra jismoniy shaxslarga berilgan kreditlarning umumiy kredit portfelidagi ulushi 8 foizni tashkil etdi.

Bankning depozit bazasi 2019 yilda 1,5 barobarga ortib, 7,3 trln. so‘mga yetdi. Shundan aholi omonatlari - 1,3 trln. so'm va xo'jalik yurituvchi subyektlarning depozitlari - 6 trln. sumga to‘g‘ri keladi.

Diagrammadan ko'rinib turibdiki, bank kapitalning etarlilik me'yorining yuqori koeffitsientlariga ega, bu bankning ishonchliligi va barqarorligini tasdiqlaydi. 2019 yil 1 dekabr holatiga ko'ra kapitalning etarlilik ko‘rsatkichi 19,8%, 1-darajali kapitalning etarlilik ko‘rsatkichi 16% va leveraj 10,7% tashkil qildi.

 

2014 y.

2015 y.

2016 y.

2017 y.

2018 y.

1.12.2019 y.

Jami

1 033 055

1 024 770

1 107 510

1 107 510

927 789

1 095 301

Jismoniy shaxslar

993 374

983 605

1 067 642

1 107 378

880 646

1 039 222

Xususiy tadbirkorlar

19 878

20 656

20 781

22 620

24 257

26 573

Dehqon va fermer xo'jaliklari

2 136

2 114

1 972

1 656

1 887

1 702

Qo'shma korxonalar

208

211

212

226

338

453

Boshqa mijozlar

17 459

18 181

16 903

17 147

20 661

27 351

2014-2019 yillarda bank mijozlari soni muntazam ravishda o‘sib, 2019 yil dekabr oyi natijalariga ko'ra 1095,3 ming donaga yetdi. Jumladan, bankda xizmat ko‘rsatilayotgan xususiy tadbirkorlar, qo‘shma korxonalar va boshqa mijozlar soni 2014 yilga nisbatan 16.4 ming donaga ko‘paydi.

O‘zsanoatqurilishbank tarkibiy bo‘linmalari soni 01.12.2018 holatiga ko‘ra 494 tani tashkil qilib undan 45 tasi filiallar tarmog‘i, 42 ta mini bank, 124 ta to‘lov shahobchasi, 45 ta jamg‘arma kassa, 43 ta sayyor kassa, 79 ta xalqaro pul o‘tkazmalari shahobchasi, 73 ta valyuta ayirboshlash shahobchasi, 43 ta maxsus kassalardan iborat.



“Ahbor-Reyting” reyting-agentligi“Oʻzsanoatqurilishbank” ATBning kredit reytingini “uzA + ” darajasini “Barqaror” prognozi bilan tasdiqlaydi.

 “Ahbor-Reyting” reyting-agentligi“Oʻzsanoatqurilishbank” ATBning milliy miqyosdagi kredit reytingini 2020 yil birinchi choragi uchun “uzA +” darajasidagi reyting monitoringi natijalariga koʻra “Barqaror” prognozi bilan tasdiqlaydi.

“Oʻzsanoatqurilishbank” ATB ushbu davr mobaynida biznes koʻlamining barqaror oʻsishini namoyon etdi.
Bundan tashqari, bankning asosiy moliyaviy koʻrsatkichlari  ham  barqaror suratlarda oshdi. Shunday qilib, 2020 yilning birinchi choragi oxirida sof aktivlar 2019 yilning birinchi choragi natijalariga nisbatan 21,55 foizga oʻsdi va 37,82 trln. soʻmni  tashkil etdi. Xususan, bankning yalpi kredit portfeli 2019 yilning birinchi choragiga nisbatan 11,45 foizga oshdi va 2020 yilning birinchi choragi oxirida 31,66 trln. soʻmni yoki 83,73% (2019 yil 1-choragida: 91,31%) sof aktivlarni tashkil etdi.

Likvidlik holati maqbul deya baholanmoqda. Shunday qilib, 2020 yilning birinchi choragi oxirida bankning likvid aktivlari oʻtgan yilning shu davriga nisbatan 146,51 foizga oʻsdi va 3,89 trln. soʻmni yoki aktivlarning 10,29% (2019 yil 1-choragida: 5,07%) ni tashkil etdi. Bundan tashqari, likvidlikni qoplash koeffitsenti 2019 yilning birinchi choragi oxirida 117,66% dan 2020 yilning birinchi choragi oxirida 273,59% gacha oshdi.

Mijozlarning mablagʻlari 2020 yilning birinchi choragi oxirida oʻtgan yilning shu davriga nisbatan 67,42 foizga oshdi va 7,7 trln. soʻmni yoki bankning barcha majburiyatlarining 24,58 foizini tashkil etdi (2019 yil 1-choragida: 16,51%).

Tahlil qilinayotgan davr natijalari boʻyicha kapitalizatsiya maqbul darajada baholanmoqda. 2020 yilning birinchi choragi natijalariga koʻra bankning oʻz kapitali oʻtgan yilning shu davriga nisbatan 99,39 foizga oshdi va 6,47 trln. soʻmni tashkil etdi (2019 yil 1-choragida: 3,24 trillion soʻm). Shu bilan birga, bankning ustav kapitali щtgan yilning shu davriga nisbatan 113,66 foizga oshdi va 2020 yilning birinchi choragida 4,63 trln. soʻmni tashkil etdi.

2020 yil 1-choragi natijalariga koʻra “Oʻzsanoatqurilishbank” ATBning umumiy kapitali va 1-darajali kapitalining yetarlilik nisbati mos ravishda 21.30% va 18,30% ni tashkil etdi (2019 yilning 1-choragi: 14.35% va 13,894%). Bunda, kapital bazasi bilan taʼminlash darajasi 2020 yil 1-choragining oxirida 17,13% ni tashkil etdi (2019 yilning 1-choragi: 10,44%).

Koʻrib chiqilayotgan davr mobaynida, yuqorida koʻrsatib oʻtilgan daromadlar va xarajatlarning oʻzgarishi, bankning operatsion daromadlarga harajatlar nisbati  koʻrsatkichiga ijobiy taʼsir koʻrsatdi va bu koʻrsatkich 2020 yil 1-choragida 67,93% ni tashkil etdi (2019 yil 1-choragida: 73,20%).

Shu bilan birga, 2020 yil 1-chorak natijalariga koʻra, oʻrtacha aktivlarning rentabelligi va oʻzining oʻrtacha kapitalining rentabelligi mos ravishda 0,64% va 4,53% ni tashkil etdi (2019 yil 1- choragida: 0,34% va 3,56%).

Дата последнего обновления: 10.11.2020 01:34

Мобильное приложение JOYDA

Онлайн магазин товаров в рассрочку и онлайн банк в твоем телефоне